ഒരാണില്ല, പത്തുപെണ്ണുങ്ങൾ

-(ഫ്രഞ്ച് നിയോലിബറൽ സിനിമാ തിരക്കഥ)-

ഈ ആണുങ്ങള് വന്‍ പുലികളാണല്ലോ...

ആണോ??

ആണെന്ന് തോന്നുന്നു!

അവന്മാരടെ ഓരോരോ കണ്ടുപിടിത്തങ്ങളേ....!

അസൂയ, കുശുമ്പ് തുടങ്ങിയ വികാരങ്ങള്‍ കണ്ടുപിടിച്ചതന്നെ പെണ്ണുങ്ങളാണെന്നല്ലേ ലവന്മാരടെ ഒരു വാദം...!

ഉവ്വോ??
പെണ്ണുങ്ങള്‍ക്ക്‌ മാത്രം വരുന്ന കുന്തങ്ങളാണോ ഇതൊക്കെ?

അമ്പടാ അതങ്ങ് പള്ളീ പോയി പറഞ്ഞാ മതി...

ആണുങ്ങള് മിക്കവന്മാരും അസൂയ കൂമ്പാരങ്ങളാണ്.
Complexed Guyssss!!!
പിന്നെ കഴിവതും അത് പുറത്തു കാണിക്കില്ലാന്നെള്ളൂ...


അപ്പ പെണ്ണുങ്ങളോ??

ആങ്ങ്‌ അദ്ദാണ്...ഞങ്ങള്‍ക്കങ്ങനെ ഉള്ളിലൊന്നു വെച്ച പുറത്ത്‌ വേറൊന്ന് കാണിക്കുന്ന സ്വഭാവം ഒന്നുല്ല..
സ്നേഹം എങ്കില്‍ സ്നേഹം
അസൂയ എങ്കില്‍ അസൂയ!!

ഉം...അസൂയ...അല്ല, അതിപ്പോ എന്തിനാന്നാ??


അങ്ങനെ പ്രത്യേകിച്ച് ഒരു കാരാണോന്നുല്ല...എപ്പോ വേണേലും ആരോട് വേണേലും അത് ഞങ്ങള്‍ക്ക് അങ്ങ് തോന്നും.

For example:


1)
ഒരിടത്തൊരിടത്തൊരിടത്ത് ഒരു ചേച്ചിം അനിയത്തീം ഇണ്ടാരുന്നു (അല്ല ...ഇതൊന്നും ശെരിക്ക് ഇണ്ടാവണന്നില്ല..എന്നാലും ചുമ്മാ വെച്ചോ...) മൂത്തവളെ കെട്ടിച്ചയച്ചു, നവ് ഷീ ഈസ്‌ എ ഫാമിലി വുമന്‍! അമ്മാ‍യിഅമ്മേം നാത്തൂനും കൂടെ ആ കൊച്ചിനെ അങ്ങ് ചീത്തയാക്കിയെന്നു പറഞ്ഞാ മതിയല്ലോ ...


ഏയ്‌ പുള്ളിക്കാരി ഡീസന്റ് ആരുന്നു (സത്യായിട്ടും !) കെട്ടിച്ചയക്കണേനെ മുന്നേ ..പിന്നെ അവള്‍ടെ കേട്ടിയോന്റെ വീട്ടുകാര് ഏതാണ്ട് കൈവെഷം കൊടുത്താതാ . അന്ന് അവള്‍ക്കു കൊടുത്ത 111 പവനീന്നു ഒരു പവന്‍ കൂടുതല്‍ ഇളയവള്‍ക്കു കൊടുത്താല്‍ വന്‍ കലിപ്പാവും.


മൂത്തവള്ടെ കേട്ടിയോനെക്കാള്‍ ഇത്തിരി വെളുപ്പ്‌ കൂടുതലല്ലേ ഇളയവക്ക് കണ്ടു വെച്ചെക്കണോന്??

അതേ..അവനു നല്ല തുമ്പപ്പൂവിന്റെ നിറം ആണ് !

അത് അച്ഛനും അമ്മേം കൂടെ മനഃപൂര്‍വ്വം ഒപ്പിച്ചതല്ലേ ...??

അതെ ! അച്ഛനും അമ്മയ്ക്കും പണ്ടേ അവളോട്‌ ഇത്തിരി സ്നേഹം കൂടുതലാണ് . ഹും പുന്നാര മോള്‍ക്ക്‌ ഒരുത്തനെ തേടിക്കൊണ്ട് വന്നെക്കണ്. :-/

ഏഹ്.. !! ഒറ്റമോനാണെന്നോ??
മാസം പത്തറുപതിനായിരം രൂപ ശമ്പളം ന്നോ ???


2)
രാജൂന്റെ ഭാര്യക്ക് സൗന്ദര്യം ഇത്തിരി കൂടുതലാണെന്നും പറഞ്ഞു രാധ ബഹളം ഇണ്ടാക്കണതു ശെരിയാണോ ?? അവള് സുന്ദരി ആയിക്കൊട്ടെടീ രാധേ ..നിന്‍റെ സ്വന്തം നാത്തൂനല്ലേ...


ശ്യോ എടി രാധേ അവള് മെലിഞ്ഞിരിക്കണത് തിന്നണതൊന്നും ദേഹത്ത്‌ പിടിക്കതോണ്ടാ ..അല്ലാതെ സ്ലിം ബ്യൂട്ടി ആവാന്‍ ജിമ്മില്‍ പോയി കെടന്നിട്ടല്ല ...

രാവിലെ എണീറ്റ്‌ കുറ്റിചൂല് കൊണ്ട് വീടും മുറ്റോം അടിച്ചു വാരെടീ .....


3)
കൂട്ടുകാരന് ഒരു കാമുകി വന്നാല്‍ കൂട്ടുകാരിക്ക് എന്താ ഇത്ര കണ്ണുകടി ?? എടീ കൂട്ടുകാരീ നിന്‍റെ കൂട്ടുകാരനും വേണ്ടേ ഒരു ജീവിതം ? അവന്‍ പഠിക്കട്ടെടി ജീവിതം എന്താണെന്ന് !! അവന്‍ അനുഭവിക്കട്ടെ !! എന്നും ഇങ്ങനെ നിന്‍റെ കാമുകന്മാരെ കണ്ടു വെള്ളം ഇറക്കിയാ മതിയോ ??


ആങ്ങളമാരെ ദത്തെടുത്ത പെങ്ങമ്മാരെ ...എന്‍റെ പൊന്നാങ്ങള അങ്ങനെ ഇങ്ങനെ ന്നും പറഞ്ഞു ഒരുപാട് നമ്പര്‍ ഇറക്കണതല്ലേ ? ലവന്‍ എന്ത് തെണ്ടിത്തരം കാണിച്ചാലും നിനക്കത്‌ ഈ ലോകത്തേക്കും വല്യ ശെരിയാണ് ! മിടുക്കനായ നിന്‍റെ ആങ്ങള അവന്‍റെ ബെറ്റര്‍ ഹാഫ് നെ കണ്ടുപിടിക്കുമ്പോ മാത്രം നിനക്കെന്താ പെണ്ണേ അവനെ ഒരു വിശ്വാസക്കുറവ് ?
അവന്‍റെ കാമുകി /ഭാര്യ നിനക്കും ഒരു നല്ല കൂട്ടുകാരി ആരിക്കും ന്നു വിശ്വസിക്ക്...


4)
എടീ കാമുകീ നീ ഒന്ന് ക്ഷമിക്കു ...
അവള്‍ അവന്‍റെ ഏറ്റവും പ്രിയപ്പെട്ട സുഹൃത്ത് ആണ് അല്ലെങ്കില്‍ അവന്‍ ദത്തെടുത്ത അവന്‍റെ പ്രിയപ്പെട്ട സഹോദരി ആണ് . എന്തിനും ഏതിനും ആ പാവം ചെക്കനെ ഇങ്ങനെ തെറ്റിദ്ധരിക്കല്ലെടി ...


ആ കൂട്ടുകാരി ഇത്തിരി സുന്ദരി ആയിപ്പോയത്‌ അവന്‍റെ കുറ്റം ആണോ ??
അവള്‍ടെ കുറ്റം ആണോ ??
പോട്ടെ ...ലവള്‍ടെ അച്ഛന്റേം അമ്മേടേം കുറ്റം ആണോ ??
ഇതിനൊന്നും അസൂയ ഒരു ഒരു പരിഹാരമല്ല മോളെ ദിനേശീ......


5)
ഓഹ്‌ നോ ...അവള്‍ടെ പാരെന്റ്സ് ടീച്ചേര്‍സ് നെ സോപ്പ് ഇട്ട് ക്വെസ്ട്യന് പേപ്പേര്‍സ് ആദ്യമേ അടിച്ചെടുത്തോണ്ടല്ല അവള്‍ക്കു 1st റാങ്ക് കിട്ടിയത്‌ . അവള്‍ നിന്നെക്കാള്‍ ബ്രില്യന്റ്റ്‌ ആരിക്കും ,ഹാര്‍ഡ്‌വര്‍ക്ക്‌ ചെയ്യാരിക്കും ...അതൊക്കെ ഒന്ന് സമ്മതിച്ചു കൊടുത്തേക്ക് ...


ഒന്‍സ് ഇന്‍ എ ബ്ലൂ മൂണ്‍ മറ്റേ ലവന് ഫസ്റ്റ് റാങ്ക് കിട്ടുമ്പോ മാത്രം നിനക്ക് പുകഴ്ത്തിയാലും പുകഴ്ത്തിയാലും തീരില്ലല്ലോ ...
ഓരോ മനുഷ്യന് ഓരോ കഴിവല്ലേ ദൈവം കൊടുക്കണത് ...അത് മനസ്സിലാക്ക് കൊച്ചെ ..
നിന്‍റെ ഉള്ളില്‍ ഒരു കൊച്ചു K S Chithra ഒളിച്ചിരിക്ക്ന്നുണ്ടോന്നു ഒന്ന് നോക്കിയേ ...
മനസ്സ് മുഴുവന്‍ അസൂയേം കുശുമ്പും കൊണ്ട് നിറച്ചാല്‍ ചിത്രയ്ക്ക് അവിടിരുന്നു ശ്വാസം മുട്ടും.


6)
ദേ പിന്നേം ...അവള്‍ ഒരു നല്ല കലാകാരി ആരിക്കും ...idea star singer ല് അവിടെ ഇരിക്കണ judges നെ ക്കാള്‍ കഷ്ടാണല്ലോ നിന്‍റെ കാര്യം . ലവള്‍ടെ ഒരു സംഗതീം നിനക്ക് ശെരിയാവില്ല ;ഫുള്‍ പിച്ച്‌ ഔട്ട്‌ . ഒന്നുല്ലേലും കൊറേക്കാലം ഒരു ക്ലാസ്സില്‍ ഒരു ബെഞ്ചില്‍ ഇരുന്നു പഠിച്ചവരല്ലേ നിങ്ങള്‍ ??ആ മൊബൈല്‍ എടുത്തു ഒരു 3 രൂപ കളഞ്ഞു അവള്‍ക്കൊരു sms അയക്കെടീ ...


അരുണ്‍ ഗോപന് sms അയക്കാന്‍ മൊബൈല്‍ ബാലന്‍സ് ഇല്ലാണ്ട് അപ്പന്‍റെ പോക്കറ്റ്‌ന്നു 100 രൂപ ആണെന്ന് തെറ്റിദ്ധരിച്ച് 500 രൂപ എടുത്തു മൊബൈല്‍ റീചാര്‍ജ്‌ ചെയ്തവളല്ലേടീ നീ...???


7)
ശ്യോ തള്ളേ നിങ്ങള്‍ ഇങ്ങനെ കെടന്നു പെടക്കാതെ . മോനും മരുമോളും ഒരു പടം ഒക്കെ കണ്ടു പുറത്തൂന്നു ഡിന്നര്‍ ഒക്കെ കഴിഞ്ഞു ഇങ്ങെത്തുംന്നെ ..Newly married ആല്ലേ ...കുറച്ച് കാലം ഇങ്ങനൊക്കെ നടക്കും ..ഒരു രണ്ടു വര്‍ഷം കഴിഞ്ഞാ പിന്നെ മുഖത്തോട് മുഖം നോക്കില്ല ...


എന്ത് ??
നിങ്ങടെ മോളെ കൊണ്ട് പോയില്ലന്നോ ??

ആ ബെസ്റ്റ് ! നിങ്ങക്ക് നാണം ഇണ്ടോ തള്ളേ ..വീട്ടില് നിങ്ങടെം പെണ്മക്കടെം ശല്യം സഹിക്കാന്‍ വയ്യാണ്ടല്ലേ അവന്‍ ആ പെണ്ണിനേം വിളിച്ചോണ്ട് വല്ല തിയെറ്ററിലും പോണേ ...സിനിമ കാണാന്‍ ട്ടാ...


8)
എടി ഭാര്യേ നീയും അങ്ങ് ക്ഷമിച്ചു കള ...അല്ലെങ്കിലേ ഈ അമ്മമാര് ആണ്‍മക്കടെ കാര്യത്തില് ഇത്തിരി കൂടുതല്‍ ഉല്‍ക്കണ്ഠിക്കും. തികച്ചും അനാവശ്യം...എന്നാലും നീ അങ്ങ് വിട്ടുകള . ഇത്രേം കാലം തിന്നാനും കുടിക്കാനും കൊടുത്തു കൈ വളരുന്നോ കാലു വളരുന്നോ ന്നു നോക്കിയാ മഹന്‍ പെട്ടന്ന് നമ്മളെ കളഞ്ഞിട്ടു അങ്ങ് പോയിക്കളയുവോന്നിള്ള ഒരു പേടി ആണ് . അത് നിന്‍റെ കുഴപ്പം അല്ലെടീ ഭാര്യേ ...അമ്മച്ചിക്ക് അവരടെ മോനെ വിശ്വാസം ഇല്ലണ്ടാ ...നിന്‍റെ കെട്ടിയോനു നിന്നോട് സ്നേഹം ഇല്ലാണ്ടാവോ ?? നീ എങ്കിലും അവനെ ഒന്ന് വിശ്വസിക്ക്... ...


9)
ദേ പെണ്ണേ ..ഒരു ചുള്ളന്മാരേം നീ വായിനോക്കാറില്ലേ??
ലത് പോലല്ലേള്ളൂ ഒരു ചുള്ളത്തിയെ ലവന്മാര് നോക്കണതും...
എന്തൊക്കെയാ നിന്‍റെ ഡയലോഗ് ...?!

"ലവള്‍ ഫുള്‍ മേക്‌ അപ്പ്‌ ആണ് ", "എപ്പളും സൗന്ദര്യ സംരക്ഷണം ആണ് പണി ", "ആണുങ്ങളെ /ആള്‍ക്കാരെ കാണിക്കാന്‍ ഇങ്ങനെ ആട്ടി നടക്കുന്നു ", "ജാടക്ക് / അഹങ്കാരത്തിന് കയ്യും കാലും വെച്ചതാണ് "...സൗന്ദര്യം ഇള്ളവര് അത് കൊണ്ട് നടക്കട്ടെടീ ...എന്തിനും ഏതിനും ഇങ്ങനെ അസൂയപ്പെട്ടാലോ ???
പിന്നെ ...ഈ വായിനോട്ടം ഒക്കെ എത്ര കാലത്തേക്ക് ഇണ്ടാവാനാ???

നീ സമാധാനപ്പെട് ...


10)
അയ്യോ ഇത്തിരി ഹ്യൂമര്‍ സെന്‍സ് ഇള്ള പെണ്ണുങ്ങളൊക്കെ അലവലാതികള്‍ ആണെന്ന് നീയൊക്കെ തന്നെ അങ്ങ് പറഞ്ഞാലോ ??? നിന്‍റെ ബായി ഫ്രെണ്ട്സ്‌ നോട് നീ അവളെ പറ്റി എന്തോരം കുറ്റങ്ങളാ പറഞ്ഞേക്കണേ ?? ഇത്തിരി എന്തേലും ഒന്ന് ചിരിച്ചു മിണ്ടിപ്പോയാല്‍ പഞ്ചാര ഇല്ലെങ്കില്‍ ജാഡ അല്ലെ ??നിനക്കില്ലേ ആണ്സുഹൃത്തുക്കള്‍ ?? അത് പോലല്ലേ അവളും ??

അതെന്തിനാ മറ്റുള്ളവരുടെ ഫ്രെണ്ട്സ്‌ സര്‍ക്കിള്‍ നീയെപ്പളും തെറ്റായിട്ട് കാണണേ ??


നീ ചെക്കന്മാരോട് സംസാരിക്കുമ്പോ അത് ഫ്രെണ്ട്‌ലി , ഡൌണ്‍ ടു എര്‍ത്ത്‌ , ബ്ലാ ബ്ലാ ബ്ലാ‍ാ‍ാ‍ാ ...
അവള് സംസാരിക്കുമ്പോ അത് 'ആണുങ്ങളോട് കൊഞ്ചിക്കുഴയല്‍ '...! അല്ലെടീ...

ലവന് നീ നോട്ട് എഴുതി കൊടുക്കുമ്പോ അത് ഹെല്‍പിംഗ് മെന്റാലിറ്റി ...
കോപ്പാണ് !

ലവന് അവള്‍ ഒരു നോട്ട് എഴുതി കൊടുക്കുമ്പോ അത് അവനെ വളക്കാന്‍ ല്ലേ ???


അതൊക്കെ പോട്ടെ ...
അവള്‍ രണ്ടു ദിവസം ക്ലാസ്സ്‌ കട്ട്‌ ചെയ്തു ബോയ്‌ ഫ്രെണ്ട്ന്റെ കൂടെ കറങ്ങാന്‍ പോയാല്‍ അവള്‍ക്കു നീ നോട്ട് എഴുതി കൊടുക്ക്വോ???

ഇല്ലാ...

ക്ലാസ്സില്‍ കേറാതെ അവന്‍ വിളിച്ചപ്പളേക്കും പിന്നാലെ പോവാന്‍ അവളോട്‌ ആര് പറഞ്ഞു ല്ലേ ??

പക്ഷെ Mr. ആഭാസ്‌ കുമാറിന് നീ എഴുതും നോട്ട് !ഉറക്കം എണീറ്റ്‌ ഇരുന്നു അവന്‍റെ നോട്ട് നീ കമ്പ്ലീറ്റ്‌ ആക്കും ! നിന്‍റെ assignment സബ്മിറ്റ്‌ ചെയ്യാന്‍ പറ്റിലെങ്കിലും നീ അതങ്ങ് സഹിക്കും !!

അവന്‍ ഓരോ ദിവസം ഓരോ പെണ്ണുങ്ങളെ ട്യൂണ്‍ ചെയ്തു കറങ്ങാന്‍ കൊണ്ട് പോണതും പ്രെശ്നല്ല ...എന്നിട്ട് "ആണുങ്ങള്‍ ആയാല്‍ അങ്ങനെ ഒക്കെ ആണ് , നമ്മള്‍ പെണ്ണുങ്ങള്‍ ആണ് ശ്രദ്ധിക്കേണ്ടത് " ന്നൊരു ഡയലോഗും .

നാണം ഇണ്ടോടി നിനക്കൊക്കെ????

***

ഇങ്ങനെ ഇങ്ങനെ ഇങ്ങനെ എത്ര വേണം ...
പെണ്ണുങ്ങളാണ് പെണ്ണുങ്ങള്‍ക്ക്‌ പാര പണിയണത്‌ന്ന് അപ്പൊ വെറുതെ പറയണത്‌ അല്ലല്ലേ ...???


ചേച്ചിന്നു ഒരുത്തി വിളിച്ചാല്‍ എന്താ ഇത്ര കുഴപ്പം ?? കൊച്ചു പിള്ളേര് ഒന്ന് ബഹുമാനിച്ചു പഠിക്കട്ടേന്നേ ...പ്രായത്തെ അംഗീകരിക്കു ചേച്ചിമാരെ...


ഏഹ്??

എന്ത്???

ഈ ബ്ലോഗ്‌ വായിക്കണതും കമന്റ്‌ ഇടണതും 95% ആണുങ്ങള്‍ ആണല്ലോന്നോ ???

ഞാന്‍ പെണ്ണായോണ്ടാണ് ആണുങ്ങള്‍ മാത്രം ഈ ബ്ലോഗ്‌ലിക്ക് വരണതുന്നോ ???

ഓഹ് അതിപ്പോ ഞാന്‍ എന്ത് ചെയ്യാനാ .. :-/

നമ്മടെ ചവറു വായിക്കാനും ആള്‍ക്കാര് ഇണ്ടെങ്കില്‍ അത് ഒരു വശത്ത് അങ്ങനെ നടക്കട്ടെന്നെ ...

***

എന്‍റെ പെണ്സുഹൃത്തുക്കളുടെ ശ്രദ്ധയ്ക്ക്‌ : അടിക്കാന്‍ വരരുത് പ്ലീസ്‌ , നിങ്ങളെ ആരേം ഉദ്ദേശിച്ചിട്ടല്ല ...മിക്കടത്തും നടക്കണ കാര്യങ്ങളല്ലേ ഇതൊക്കേ? ഒരു വാദത്തിനു വേണ്ടി മാത്രം വേണേങ്കില്‍ എതിര്‍ക്കാം . എങ്കിലും ഒന്ന് ആലോചിച്ചു നോക്കിയെ ...ശെരിയല്ലേ പറഞ്ഞതൊക്കെ ???

പിന്നെ ഒരു കാര്യം , ഇത് നമ്മള് പെണ്ണുങ്ങള്‍ക്ക്‌ മാത്രം ഇള്ളതൊന്നും അല്ല ..എല്ലാ മനുഷ്യനും അസൂയ , കുശുമ്പ് , കണ്ണ് കടി , etc. വികാരങ്ങള്‍ ഇണ്ട്.. അതിനു ആണാണോ പെണ്ണാണോന്നിള്ളതൊന്നും ഒരു വിഷയല്ല ...


ആണ്‍ സുഹൃത്തുക്കളുടെ ശ്രദ്ധക്ക് : അമ്പടാ ആദ്യത്തെ സെന്റെന്‍സ് കണ്ടപ്പളെ അങ്ങ് സുഖിച്ചല്ലേ ...ഇതൊക്കെ നമ്മടെ ഒരു നമ്പര്‍ അല്ലേ ..ഞാൻ ചുമ്മാ ഒരു പോസ്റ്റ്‌ അങ്ങ് ഇട്ടെന്നേള്ളൂ...ട്ടാ ...


എന്‍റെ ശ്രദ്ധയ്ക്ക്‌ : ഓടിക്കോാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ‍ാ ... [ലക്ഷം ലക്ഷം പിന്നാലേ ....]